濕疹攻略 : BB篇

很多家長都對BB出現濕疹十分擔憂煩惱，束手無策 。這種心情我非常了解 。我個B有濕疹時我都非常擔心，自責。 其實有任何問題最緊要積極面對。

治療 BB濕疹可以話又困難，又簡單。聽落有啲矛盾，其實不然。處理嬰兒濕疹困難嘅地方係BB唔能夠將佢身體狀況講畀你知。另外，一些處理濕疹嘅方案，並不適合嬰兒使用。 簡單嘅地方係BB長時間留係家中，比較容易找出並減少致敏原 。飲食都非常簡單，容易控制。又唔使返工，考試，不會因為壓力爆發濕疹。此外BB復原力比成年人好好多。 只要盡早處理，好快可以變返皮光肉滑 :)

BB出疹後應該做的並不是四出找尋偏方。第一時間要帶佢去皮膚科醫生 ，確認是否濕疹 。因為一些真菌感染和其他診狀和濕疹相似。一定要先確認才可以對症下藥。針對BB衣食住行，分享以下8式抗濕功夫改善病情。

1. 食 - BB之大事也， "識飲識食"對正面處理濕疹至關重要。盡量給BB飲用母乳！要知道母乳比任何牌子奶粉一定更低敏，而且有效調節嬰兒免疫力！如果父母有濕疹，鼻敏感或哮喘 ，會增加遺傳性濕疹給嬰兒，所以母乳餵哺更加重要。在母乳餵哺期間，媽媽應暫時停止進食牛奶，果仁，雞蛋。因為這三樣食物最容易引發過敏。過敏原可以由母乳進入嬰兒，產生濕疹。當BB濕疹痊癒後，媽媽可以再次嘗試把這些食物著少加入餐單中，並留意BB情況。當然如果母乳不足或種種原因不能餵哺母乳，都可以轉用低敏奶粉配方。另外加入益生菌補充可以減低過敏風險。

2. 母乳妙用 - 可能你唔知母乳治療濕疹療效可以媲美類固醇藥膏! 所以話母乳係寶。先將母乳薄薄搽在患處，然後再搽上潤膚膏，每日至少重複四至五次。

3. 保濕 - 濕疹潤膚膏幾十蚊到幾百蚊都有。其實都係嗰啲嘢。最重要兩個成份，第一: 甘油 Glycerin (保水)， 第二: 燕麥 Colloidal Oatmeal (形成保護屏障, 舒緩炎症)，其他如果有 Jojoba Oil, Shea Butter，Cocoa butter 天然成分保濕力更持久， 當然天然成分多的， 媽媽可能用得較為安心。我自己係用 Aveeno Eczema Soothing Relief Cream 和 Babyganics Eczema Care Skin Protectant Cream。

4. 沖涼  - 其實BB並不需要市面上的任何沖涼液，只需要溫暖清水，就可以有效清潔。如果BB有濕疹更加不要用其他化學物沖涼。芫茜和金銀花都可以舒緩皮膚發炎，可以加入芫茜或金銀花浸浴。芫茜(剁爛)或金銀花(先沖洗)，放入魚湯袋煲滾 5分鐘後，加入凍水調節溫度 。BB浸浴後輕輕拍乾，搽上母乳和潤膚膏即可。芫荽浸浴要長期使用，大概兩星期以上才逐漸見效。

5. 芫茜take 2 - 如果BB已經開始進食固體食物可以在飯面上加入少量剁碎蒸熟芫茜進食，對病情有一定幫助。

6. 住屋，衣服 - 保持家居清潔，減低塵蟎。盡量用清水，天然清潔劑，如醋，baking powder 去清潔家居，衣服。減低BB接觸危險化學品的風險，這些都是常識，恕不累敍。

7. Quercetin - 如果BB有嚴重濕疹，另一大難題係患處有機會出水。三個月以上的BB 可以嘗試進食少量食物補充劑 Quercetin - (槲皮素，又名洋蔥素) 佢係天然抗組胺(抗敏)補充劑。BB每日進食量不多於100 mg，大概係成人指標的十分一。 除咗可以控制皮膚滲水，仲可以減低痕癢。

8. 心情 - 壓力會帶來濕疹。相反心情平和愉快，可以減低濕疹發作。多啲親親BB令佢心情保持愉快都有效對抗濕疹。

最后終極一問，究竟搽唔搽類固醇藥膏？其實係人都知類固醇有副作用。但係偏偏大部分西醫會同你講"唔好咁驚，如果適當，短暫使用，唔會有副作用！" Are you freaking kidding me!? 我先唔講類固醇反彈這些複雜問題，本質上濕疹就是長期抗戰。好返都可能要幾個月時間。我冇聽過查一兩次就會好番，所以類固醇最終都係要長期使用，副作用當然不言而喻。所以盡量唔好搽。咁點樣界定為"盡量"？就係如果濕疹並未嚴重影響BB嘅起居飲食，睡眠質素，就不使用。i.e.  BB會唔會因為好抆爭唔食奶？會唔會太痕搞到瞓唔著呢？ 當其他方法都冇效，類固醇只係 last resort。

以上八個方法對你有冇幫助呢？請留言分享你的經驗。

Hey, why not follow my page to get the latest update.


Reference:

Efficacy of topical application of human breast milk on atopic eczema healing among infants: a randomized clinical trial.
Kasrae H1, Amiri Farahani L2, Yousefi P3.
https://www.ncbi.nlm.nih.gov/pubmed/25640116