打疫苗針會引起濕疹嗎？

因為遺傳， 我知小兒患濕疹的機會較大。但小兒出生至四個月都沒有濕疹， 喺打過4月針(DTaP 白喉，破傷風，小兒麻痺混合疫苗 ， 肺炎球菌疫苗) 之後第二日就出現濕疹。手臂和背部都有。 初時紅色小塊，我們都不太肯定。但紅疹一直唔退， 心知不妙， 最後帶佢去屋苑的兒科醫生檢查 。

醫生簡單檢查了兩下。。:"哦，係濕疹"

雖然我心中有數醫生會給標準答案，但我都想問下:"出濕疹根打針有沒有關係？"

醫生 :"應該沒有關係。"

"但濕疹確實在打針第二日出現喎？"

醫生:"可能只係有咁啱得咁橋,好多小朋友都有濕疹。"

。。。如果有咁啱，六合彩都中咗喇！對於醫生這種武斷又不經大腦的標準反射回應， 我都廢事同佢理論。

之後老婆吩咐我帶b去睇另一位將軍澳區出名的醫生，醫藥$$$，但醫生真的檢查和解釋得很詳細，絕對是好醫生。 於是我提出同一個問題。 佢坦白講打針係有機會誘發濕疹的。因為打針係刺激免疫反應，對於一啲有過敏體質嘅人，有機會誘發濕疹。 根據佢所講 ，就算唔打針，普通傷風感冒亦都有機會誘發濕疹。

我對最後呢句有疑問。大人和小朋友每日都係生活中接觸大量細菌。 免疫系統無時無刻都在工作 。當傷風感冒刺激免疫反應以誘發濕疹 ，病後免疫回復正常狀態時，濕疹應該會退？為什麼打針前沒有濕疹，但打針後就突然出現，而且久久不退？ 是不是接觸細菌的方式不同會影響免疫系統的反應？